કેપ્સીકમ કોફ્તા કરી
  • 112 Views

કેપ્સીકમ કોફ્તા કરી

Ingredients - સામગ્રી

  • કોફતા માટે –
  • 250 ગ્રામ નાની સાઈઝના કેપ્સીકમ
  • 200 ગ્રામ બાફેલા બટાકા
  • 100 ગ્રામ બાફેલા વટાણા
  • 100 ગ્રામ ચણાનો લોટ
  • 2 ટેબલસ્પૂન વાટેલો મસાલો
  • 1 ટેબલસ્પૂન કોપરાનું ખમણ
  • 1 લીંબુ
  • મીઠું, ખાંડ, તેલ – પ્રમાણસર
  • ગ્રેવી માટે –
  • 2 ટેબલસ્પૂન ઘી, 1 કપ દહીં
  • 4 ટેબલસ્પૂન મલાઈ અથવા ક્રીમ
  • મીઠું – પ્રમાણસર
  • સૂકો મસાલો – 5 લવિંગ, 2 કટકા તજ, 3 એલચી, 5 મરી, 1 ચમચી ધાણા, 1 ચમચી જીરું બધું થોડા તેલમાં શેકી, ખાંડી મસાલો બનાવવો.
  • વાટવાનો મસાલો – 3 ટેબલસ્પૂન નાળિયેરનું ખમણ, 7 કાજુ, 7 કળી લસણ, 2 કાશ્મીરી મરચાં, 2 ડુંગળી, થોડા લીલા ધાણા, 1/2 ટીસ્પૂન હળદર, બધું વાટી મસાલો બનાવવો

Method - રીત

કેપ્સીકમ મરચાંને ધોઈ, કોરા કરી, ડીંટાં કાઢી, ઊભો કાપ મૂકવો. તેમાંથી બધાં બી કાઢી નાખવા. બાફેલા બટાકાનો છૂંદો કરવો. બાફેલા વટાણાને અધકચરા વાટવા. પછી બન્ને ભેગા કરી, મીઠું, થોડો વાટેલો મસાલો, કોપરાનું ખમણ, લીંબુનો રસ અને થોડી ખાંડ નાંખી બધું ભેગું કરી મરચાંમાં ભરવું. થોડું પૂરણ ગ્રેવીમાં નાંખવા બાજુએ રાખવુ. ચણાના લોટમાં મીઠું નાંખી પાતળું ખીરું બનાવી, તેમાં મરચાં બોળી તેલમાં તળી લેવાં.

એક તપેલીમાં ઘી મૂકી, મસાલો અને ડુંગળીને ઝીણી સમારી નાંખવી, બરાબર સંતળાય અને ઘી દેખાય એઠલે તેની અંદર દહીં, અલગ રાખેલું પૂરણ અને મીઠું નાંખવું. ગ્રેવી ઊકળે એટલે અંદર મલાઈ અને મરચાં નાંખી બ મિનિટ ધીમા તાપ ઉપર રાખી ઉતારી લેવું. કોપરાનું ખમણ અને લીલા ધાણા નાંખી પરોઠા સાથે પીરસવા.