દિલ્હી ચાટ
  • 763 Views

દિલ્હી ચાટ

Ingredients - સામગ્રી

  • 200 ગ્રામ અડદની દાળ
  • 50 ગ્રામ ચોખા
  • 100 ગ્રામ મેંદો
  • 150 ગ્રામ બટાકા (બાફીને)
  • 100 ગ્રામ ફણગાવેલા મગ (બાફીને)
  • 50 ગ્રામ ચણા (પલાળી-બાફીને)
  • 50 ગ્રામ બુંદી
  • 50 ગ્રામ સેવ
  • 1 ટેબલસ્પૂન ચાટ મસાલો
  • મીઠું, મરચું, તેલ, તજ, લવિંગ
  • સજાવટ માટે – દહીંનો મસ્કો (મીઠું-ખાંડ નાંખીને)
  • લસણની લીલી ચટણી, ખજૂર – આબલીની ચટણી

Method - રીત

અડદની દાળ અને ચોખાને પલાળી,વાટી, તેમાં મીઠું,આદું-મરચાં અને તેલનું મોણ નાંખી ફીણી તેનાં વડાં બનાવી તેલમાં તળી લેવાં. મેંદાના લોટમાં મીઠું અને તેલનું મોણ નાંખી,કણક બાંધી પૂરી બનાવવી. કાપા પાડી તેલમાં કડક તળી લેવી.

એક વાસણમાં તેલ મૂકી,તેમાં તજ-લવિંગ (અધકચરા કરી)નો વઘાર કરી બટાકાના કટકા ફણગાવેલા મગ, ચણા,મીઠું,મરચું અને ચાટ મસાલો નાંખી, હલાવી ઉતારી લેવું. તેમાં બુંદી અને પૂરીના કટકા નાંખવા. એક બાઉલમાં વડા મૂકી, આજુબાજુ ભેળ મૂકી, ઉપર દહીંનો મસ્કો,લસણની ચટણી અને ખજૂરની ચટણી રેડવી, ઉપર સેવ ભભરાવી સજાવટ કરવી.