ગ્રીન બીન્સ પરોઠા
  • 169 Views

ગ્રીન બીન્સ પરોઠા

Ingredients - સામગ્રી

  • 500 ગ્રામ ઘઉંનો લોટ
  • 100 ગ્રામ તુવેરના લીલવા
  • 100 ગ્રામ લીલા વટાણા
  • 100 ગ્રામ પાપડીના લીલવા અથવા લીલા ચણા
  • 3 ટેબલસ્પૂન લીલી ડુંગળી (સમારીને)
  • 1 ટેબલસ્પૂન અાદું-મરચાંની પેસ્ટ
  • 1/2 ઝૂડી લીલા ધાણા, 1 લીંબુ
  • મીઠું, ખાંડ, તેલ, જીરું, હિંગ પ્રમાણસર
  • લાલ ચટણી-
  • 100 ગ્રામ સિંગદાણા, 8 કળી લસણ
  • 1 ટેબલસ્પૂન લાલ મરચું, મીઠું અને થોડો ગોળ નાંખી
  • વાટી, ચટણી બનાવવી.

Method - રીત

ત્રણે જાતના દાણાને અલગ મિક્સરમાં ક્રશન કરી, ભૂકો બનાવવો. એક વાસણમાં તેલ મૂકી જીરું-હિંગનો વઘાર કરી ત્રણ જાતના દાણાનો ભૂકો વઘારવો. મીઠું નાંખી, ઢાંકણ ઢાંકી ધીમા તાપ ઉપર મૂકવું. બફાય એટલે તેમાં લીલી ડુંગળી, અાદું-મરચાંની પેસ્ટ અને ખાંડ નાંખી, હલાવી ઉતારી લેવું. લીલા ધાણા અને લીંબુોન રસ નાંખી પૂરણ તૈયાર કરવું.

ઘઉંના લોટમાં મીઠું અને તેલનું મોણ નાંખી, કણક બાંધવી. તેમાંથી લૂઓ લઈ પાતળી રોટલી વણી, ઉપર ચટણી લગાડી પૂરણ પાથરવું. બીજી એ જ સાઈઝની રોટલી વણી ઉપર મૂકી, બરાબર દબાવવી. કિનારીએ પાણી લગાડી બન્ને રોટલી ચોંટાડી દેવી. ફોર્કને (કાંટો) અાડો પાડી તેનાથી કિનાર દબાવી દેવી. અાથી કિનારીએ સરક ડિઝાઈન પડશે. તવા ઉપર તેલ મૂકી બન્ને બાજુ પરોઠા તળી લેવા. ટોમેટો કેચપ અથવા ચટણી સાથે સર્વ કરવા.