ગ્રીન ચાટ
  • 175 Views

ગ્રીન ચાટ

Ingredients - સામગ્રી

  • 50 ગ્રામ લીલા વટાણા
  • 50 ગ્રામ તુવેરના લીલવા
  • 50 ગ્રામ ફણગાવેલા મગ
  • 50 ગ્રામ બ્રેડક્રમ્સ
  • 200 ગ્રામ બટાકા
  • 2 કેપ્સીકમ, 1 ડુંગળી
  • 2 ટેબલસ્પૂન માખણ
  • 1 ટીસ્પૂન ચાટ મસાલો
  • 2 લીલાં મરચાં, 122 ઝૂડી લીલા ધાણા
  • ખજૂર – અાંબલીની ચટણી
  • લીલા લસણની ચટણી
  • મીઠું, મરચું, તેલ – પ્રમાણસર
  • માટે –
  • 100 ગ્રામ ગ્રીન સેવ
  • 100 ગ્રામ દાડમના લાલ દાણા
  • ગ્રીન સેવ – 100 ગ્રામ પાલકની ભાજીના પાનને પાણી નાંખ્યા વગર મિક્સરમાં ક્રશ કરી, ગાળી પલ્પ બનાવવો, 150 ગ્રામ ચણાના લોટમાં મીઠું અને થોડું તેલનું મોણ નાંખી, લોટ બાંધી સેવના સંચાથી તેલમાં સેવ પાડી તળી લેવી.

Method - રીત

લીલા વટાણા, તુવેરના લીલવા અને ફણગાવેલા મગને વરાળથી બાફી લેવા. એક વાસણમાં તેલ મૂકી, ડુંગળીનું કચુંબર વઘારવું. થોડીવાર સાંતળી તેમાં લીલા વટાણા, તુવેરના લીલવા, મગ, કેપ્સીકમની બારીક કતરી, મીઠું, મરચું, ચાટ મસાલો નાંખી, ઉતારી લીલા ધાણા નાંખવા.

બટાકાને બાફી, છોલી, માવો બનાવવો, તેમાં મીઠું, વાટેલાં લીલાં મરચાં અને અડધા ભાગના બ્રેડક્રમસ મિક્સ કરવા. એક બેકિંગ ડિશને માખણ લગાડી, બ્રેડક્રમ્સ પાથવા. તેના ઉપર બટાકાનો માવો પાથરવો. ઉપર ખજૂર-અાંબલીની ચટણી રેડી વટાણાનું મિશ્રણ મૂકવું. ફરી ઉપર બટાકાનો માવો મૂકવો. અાવી રીતે બધાં લેયર કરવાં. અા મિશ્રણ ઉપર માખણનાં ટપકાં કરી, પ્રિહીટેડ ઓવનમાં 5-10 મિનિટ બેક કરવું. ઓવનમાંથી કાઢી, ઉપર 1 ચમચી લીલી ચટણી રેડી, ગ્રીન સેવ અને દાડમના દાણાથી સજાવટ કરવી.