લીલાં મકાઈનાં વડાં
  • 154 Views

લીલાં મકાઈનાં વડાં

Ingredients - સામગ્રી

  • 1 કિલો મકાઈ
  • 500 ગ્રામ બટાકા
  • 50 ગ્રામ વર્મીસેલી (મેંદાની સેવ)
  • 4 લીલાં મરચાં, કટકો અાદું
  • 1 ટેબલસ્પૂન નાળિયેરનું ખમણ
  • 3 ટેબલસ્પૂન મેંદો
  • 1 ટેબલસ્પૂન તલ
  • 1 ટીસ્પૂન તજ-લવિંગનો ભૂકો
  • 12 ટીસ્પૂન મરીનો ભૂકો
  • 12 ટીસ્પૂન ખાંડ, 1 લીંબુ
  • મીઠું - પ્રમાણસર

Method - રીત

મકાઈને બાફી, તેના દાણા કાઢી, મિક્સરમાં વાટી લેવાં. બટાકાને બાફી, છોલી, માવો બનાવવો. બન્ને ભેગા કરી, તેમાં મીઠું, વાટેલાં અાદું-મરચાં, તલ, નાળિયેરનું ખમણ, તજ-લવિંગ-મરીનો ભૂકો, ખાંડ અને લીંબુનો રસ નાંખી અને થોડું હલાવી તેના ગોળા બનાવવા. મેંદાના લોટમાં પાણી અને થોડું મીઠું નાંખી પાતળું ખીરું બનાવવું. તૈયાર કરેલા ગોળા દાબી, મેંદાના ખીરામાં બોળી મેંદાની સેવના ભૂકામાં રગદોળવા. પેણીમાં તેલ મૂકી, ગરમ થાય એટલે બદામી રંગના તળી લેવા. ટોમેટો સોસ સાથે પીરસવા.