ગ્રીન પરોઠા
  • 186 Views

ગ્રીન પરોઠા

Ingredients - સામગ્રી

  • 200 ગ્રામ ઘઉંનો લોટ
  • 100 ગ્રામ મેંદો
  • 5 ઝૂડી પાલકની ભાજી
  • 1 ઝૂડી લીલા ધાણા, 3 લીલાં મરચાં
  • મીઠું, માખણ – પ્રમાણસર
  • ફિલિંગ માટે –
  • 250 ગ્રામ લીલા વટાણા
  • 1 ઝૂડી લીલા ધાણા, 3 લીલાં મરચાં
  • 2 ટેબલસ્પૂન પનીર
  • 1 ટેબલસ્પૂન કોપરાનું ખમણ
  • 1/2 ટીસ્પૂન ખાંડ, 1 લીંબુ
  • 1 ટીસ્પૂન તલ
  • મીઠું, ચપટી સોડા

Method - રીત

પાલકની ભાજીનાં પાન ધોઈ, બાફી, પલ્પ તૈયાર કરવો. લીલા ધાણાને સમારી, ધોઈ, તેમાં લીલાં મરચાં નાખી વાટવા. ઘઉંનો લોટ અને મેંદામાં મીઠું નાખી ચાળવો. તેમાં માખણનું મોણ અને વાટેલાં લીલાં મરચાં-લીલા ધાણા નાખી પાલકની ભાજીના પલ્પથી લોટ બાંધવો.

એક વાસણમાં પાણી મૂકી, ઉકળે એટલે ચપટી સોડા નાખી વટાણા બાફવા. બરાબર બફાય એટલે ચાળણીમાં નાખી કોરા કરવા. પછી તેમાં મીઠું, ખાંડ, તલ, કોપરાનું ખમણ, લીલાં મરચાંના કટકા, ખમણેલું પનીર, લીંબુનો રસ, અને લીલા ધામા નાંખી પૂરણ બનાવવું.

તૈયાર કરેલા લોટમાંથી પાતળા પરોઠા વણી, ઉપર પૂરણ મૂકી તેના ઉપર તે જ સાઈઝની રોટલી મૂકવી. બરાબર કિનાર દબાવી દેવી. પછી પરોઠા વણી તવા ઉપર માખણમાં બન્ને બાજુ તળી લેવા. કોઈપણ રસાદાર ચટણી સાથે પીરસવા.