રગડા – સફેદ મટરને નવશેકા પાણીમાં રાત્રે પલાળી રાખવા. સવારે થોડા સોડા નાંખી કૂકરમાં બાફી લેવાં. એક વાસણમાં તેલ મૂકી, તેમાં રાઈ-હિંગ નાંખી, બાફેલા મટર વઘારવા. તમાં મીઠું, મરચું, હળદર, સિંગદાણાનો મશીનથી કરેલો બારીક ભૂકો, તલ, ગરમ મસાલો, ધાણાજીરું, વાટેલાં અાદું-મરચાં અને ગોળ-અાંબલનો જાડો રસ નાંખવો. 1 કપ પાણી નાંખી ઉકાળવું. જાડું રસાદાર થાય એટલે ઉતારી, બટાકાને બાફી, છોલી બારીકકટકા, ટામેટાના બારીક કટકા અને લીલા ધાણાને સમારી, ધોઈ, નિતારી નાંખવા.
પેટીસ – બટાકાને બાફી, છોલી, તેનો માવો બનાવવો. તેમાં મીઠું, વાટેલાં અાદુ-મરચાં અને અારારુટ નાંખી, બરાબર મિક્સ કરી, બટાકાની કણકમાંથી પાન અાકારની પેટીસ બનાવી તવા ઉપર તેલથી બદામી રંગની તળી લેવી.
એક ડીશમાં બે પેટીસ મૂકી, ઉપર ગરણ રગડો નાંખી, ડુંગળીનું બારીક કચુંબર અને કોપરાનું ખમણ નાંખવું. ઉપર બે ચમચી લીલી ચટણી નાંખવી.
