રસમય કચોરી
  • 188 Views

રસમય કચોરી

Ingredients - સામગ્રી

  • પૂરણ માટે –
  • 250 ગ્રામ તુવેરના લીલવા
  • નંગ-3 લીલાં મરચાં
  • 1 ટીસ્પૂન તલ
  • 250 ગ્રામ બટાકા
  • 1 ટીસ્પૂન ગરમ મસાલો
  • 25 ગ્રામ સૂકા કોપરાનું ખમણ
  • નંગ-7 લસણની કળી
  • 1 નાની ઝૂડી લીલા ધાણા
  • મીઠું, તેલ, લીંબુનો રસ, ખાંડ,
  • તજ, લવિંગ – પ્રમણસર
  • પડ માટે -
  • 500 ગ્રામ ઘઉંનો લોટ
  • મીઠું, તેલ – પ્રમાણસર
  • ગ્રેવી માટે –
  • 500 ગ્રામ ટામેટાં
  • 50 ગ્રામ નાળિયેરનું ખમણ
  • 4 લીલા મરચાં
  • કટકો અાદું
  • 100 ગ્રામ ગાજર
  • 1 ટેબલસ્પૂન ખાંડ
  • 1 ટીસ્પૂન ધાણાજીરું
  • 1 ટીસ્પૂન મરીનો ભૂકો
  • 1/2 ટીસ્પૂન તજનો ભૂકો
  • 1/2 ટીસ્પૂન લવિંગનો ભૂકો
  • 1 નાની ઝૂડી લીલા ધાણા
  • મીઠું, હળદર, મરચું, રાઈ, હિંગ, તેલ, ચણાની ઝીણી સેવ.

Method - રીત

તુવેરના લીલવાને વાટવા. એક વાસણમાં થોડું તેલ મૂકી, બે લવિંગ અને કટકો તજ નાંખી, લીલવાનો ભૂકો વઘારવો. તેમાં મીઠું નાંખી, ધીમા તાપે ચઢવા દેવા. બફાય એટલે તેમાં ખાંડ, લીલાં મરચાંના બારીક કટકા, તલ અને બટાકાને બાફી, છોલી, મસળી તેનો ભૂકો નાંખવો. થોડી વાર હલાવી નીચે ઉતારી, તેમાં ગરમ મસાલો, કોપરાનું ખમણ લીંબુનો રસ, વાટેલું લસણ અને લીળા ધાણાને સમારી, ધોઈ કોરા કરી નાંખી પૂરણ તૈયાર કરવું.

ઘઉંના લોટમાં મીઠું અને તેલનું મોણ નાંખી, કણક બાંધવી. તેમાંથી નાની પૂરી બનાવી. તેમાં તૈયાર કરેલું પૂરણ ભરી કચોરી વાળવી.

એક વાસણમાં તેલ મૂકી તેમાં રાઈ, હિંગ નાંખી પાણી વઘારવું. પાણી ઊકળે એટલે તેમાં બનાવેલી કચોરી મૂકવી. કચોરી બરાબર બફાઈ જાય એટલે ટામેટાંને બાફી, ગાળી તેનો રસ નાંખવો. નાળિયેરનું ખમણ અને અાદું-મરચાંને ઝીણાં વાટી નાંખવા. ગાજરને છોલી વચ્ચેનો સફેદ ભાગ કાઢી, બારીક કટકી કરી નાંખવી. પછી મીઠું, હળદર, મરચું, ખાંડ, ધાણાજીરું, મરીનો ભૂકો, તજ-લવિંગનો ભૂકો બધું નાંખી જાડું રસાદાર થાય એઠલે ઉતારી લીલા ધાણા નાખવા. પીરસતી વખતે થોડી ચણાની ઝીણી સેવ, કોપરાનું ખમણ અને લીલા ધાણા ઝીણા સમારી, ધોઈ, કોરા કરી નાંખવા.