Salty Sandwich Cake
  • 76 Views

Salty Sandwich Cake

Ingredients - સામગ્રી

  • કેક માટે –
  • 250 ગ્રામ ચોખા
  • 100 ગ્રામ અડદની દાળ
  • 50 ગ્રામ તુવેરની દાળ
  • 50 ગ્રામ ચણાની દાળ, 100 ગ્રામ દહીં
  • 5 લીલાં મરચાં, કટકો અાદું
  • મીઠું, સોડા, તેલ – પ્રમાણસર
  • ફિલિંગ માટે –
  • 100 ગ્રામ લીલા વટાણા, 100 ગ્રામ ફણસી
  • 100 ગ્રામ બટાકા, 3 લીલાં મરચાં
  • 1 ટેબલસ્પૂન કોપરાનું ખણણ, 1 ટીસ્પૂન તલ
  • 1 લીંબુ, થોડા લીલા ધાણા
  • મીઠું, તેલ, ખાંડ – પ્રમાણસર
  • લીલી ચટણી – 50 ગ્રામ લીલા ધાણા, 25 ગ્રામ લીલું લસણ, 5 લીલાં મરચાં, 25 ગ્રામ કોપરાનું ખમણ, મીઠું, અને થોડી ખાંડ નાંખી, વાટી, ચટણી બનાવવી.
  • લાલ ચટણી – 50 ગ્રામ સિંગદાણા, 8 કળી લસણ, 1 ટેબલસ્પૂન લાલ મરચું, મીઠું અને ગોળ નાંખી વાટી, બારીક ચટણી બનાવવી. થોડું પાણી નાંખી રસાદાર કરવી.
  • અાઈસિંગ – 500 ગ્રામ દહીંને કપડામાં બાંધી રાખી, ધું પાણી કાઢી, મસ્કો બનાવવો. તેમાં થોડું મીઠું, 1 ચમચો અાઈસિંગ સુગર અને થોડો જીરુંનો પાઉડર નાંખી તૈયાર કરવું.

Method - રીત

ચોખા, અડદની દાળ, તુવેરની દાળ અને ચણાની દાળને રાત્રે પાણીમાં અલગ પલાળી રાખવા. સવારે નિતારી, બધું કરકરું વાટવું, પછી ભેગું કરી તેમાં મીઠું,દહીં અને થોડાક સોડા નાંખી, ગરમ પાણીથી ખીરું બાંધી બાર કલાક ઢાંકીને ગરમ જગ્યાએ રાખવું. અાથો અાવે એટલે તેમાં વાટેલાં અાદું-મરચાં અને થોડા તેલને ગરમ કરી, તેમાં થોડા સોડા નાંખી હલાવવું, પાંચ બાય પાંચ ઈંચની થાળીને તેલ લગાડી તેમાં પાતળું ખીરું પાથરી, ઢોકળાંની થાળીઓ વરાળથી બાફવી. અાવી રીતે બધી થાળીઓ ઉતારી તૈયાર કરી રાખવી.

લીલા વટાણા અને ફણસીના બારીક કટકા કરી વરાળથી બાફવા. લીલા વટાણાને સાધારણ મસળી લેવા. બટાકાને બાફી, છોલી, કટકી કરવી. એક તપેલીમાં તેલ મૂકી, તેમાં ત્રણે વસ્તુ સાંતળવી. તેમાં મીઠું, ખાંડ, લીલાં મરચાંના બારીક કટકા અને તલ નાંખી, ઉતારી લીંબુનો રસ, કોપરાનું ખમણ અને લીલા ધાણા નાંખવા.

એક ડિશમાં ઢોકળાનું એક પડ મૂકી, તેના ઉપર લીલી ચટણીનું લેયર કરવું. તેના ઉપર બીજું ઢોકળાનું પડ મૂકી તેના ઉપર લીલવાનો મસાલો પાથવો. તેના ઉપર ઢોકળાનું ત્રીજું પડ મૂકી, તેના ઉપર દહીંના મસ્કાથી અાઈસીંગ કરવું. વચ્ચે લીલી ચટણી અને લાલ ચટણીથી છૂટાં છૂટાં ટપકાં કરી, સુશોભન કરવું. પીરસતી વખતે જ કટકા કરી, લાલ અને લીલી ચટણી અાપવી.

નોંધ – ઢોકળાં ખૂબ પાતળાં ઉતારવાં, જેથી ચાર પડ ભેગાં થતાં વધારે જાડા કટકા થાય નહિ, ઢોકળાનું પડ સાધારણ જાડું થયું હોય તો ચાર પડને બદલે ત્રણ પડનાં કરવા.