ચણાને રાત્રે પાણીમાં પલાળી, બીજે દિવસે કપડામાં બાંધવા, ઉપર વજન મૂકવું. 24 કલાકે તેમાં ફણગા ફૂટશે. પછી ચણાને ઝીણા વાટી, તેમાં ચણાનો લોટ, ઘઉંનો લોટ, મીઠું, હળદર, ખાંડ, વાટેલા અાદું-મરચાં, ખસખસ, તલ, ગરમ મસાલો, તેલનું મોણ અને દહીં નાંખી, મસળી કણક બાંધવી. તેના લાંબા વીંટા વાળી, ઢોકળાં જેમ વરાળથી બાફી લેવા. ઠંડા પડે એટલે મસળી, ચાળી, એકસરખો ભૂકો કરવો.
એક વાસણમાં તેલ મૂકી, ગરમ થાય એટલે ડુંગળીનું કચુંબર નાંખવું. બદામી થાય એટલે તૈયાર કરેલો ચણાનો ભૂકો, દ્રાક્ષ અને કાજુના કટકા નાંખી, ઉતારી લેવું. તેમાં વાટેલું લસણ નાંખી, હલાવી, ડીશમાં ભરી, ઉપર કોપરાનું ખમણ, લીલા ધાણાને બારીક સમારી, દોઈ કોરા કરી નાંખવા, પીરસતી વખતે ચણાની સેવ ભભરાવી, 1 ચમચી લસણની લીલી ચટણી નાંખવી.
