ટેસ્ટફૂલ ચટાકો

Ingredients - સામગ્રી

• 250 ગ્રામ લીલા વટાણઆ (બાફેલા)
• 100 ગ્રામ બટાકા (બાફી, છોલી, કટકી)
• નંગ-3 કેપ્સીકમ (લાંબી, બારીક, કતરી)
• નંગ-10 લાલ દ્રાક્ષ
• 1 કપ ટોમેટો પ્યુરી
• 1/2 ટીસ્પૂન ચાટ મસાલો
• 1/2 ટીસ્પૂન ખાંડ
• તજ, લવિંગ, એલચી વઘાર માટે મીઠું
• તેલ – પ્રમાણસર
• લીલો મસાલો – 25 ગ્રામ નાળિયેરનું ખમણ, 3 લીલાં મરચાં, કટકો અાદું મિક્સરમાં વાટી પેસ્ટ બનાવવી.
• દહીંનો મસ્કો – 250 ગ્રામ દહીંમાંથી પાણઈ કાઢી તેમાં મીઠું ખાંડ અને શેકેલા જીરુનો પાવડર નાંખી, વલોવી તૈયાર કરવું.
• પકોડી – 200 ગ્રામ ચણાના લોટમાં 1 ટીસ્પૂન રવો, 1 ટીસ્પૂન તલ થોડા લીલા ધાણા, મીઠું, હળદર, મરચું અને તેલનું મોણ નાંખી ખીરું બાંધી 15 મીનીટ રાખવું. તેલ ગરમ કરી 1 ટીસ્પૂન ગરમ તેલ ખીરામાં નાંખી, હલાવી, તેલમાં પકોડી (નાના ભજિયાં) તળી લેવી.
• સજાવટ માટે –
• 25 ગ્રામ કોપરાનું ખમણ
• 25 ગ્રામ ઝીણી બુંદી અથવા ચણાની સેવ
• 2 ટેબલસ્પૂન બટાકાની તળેલી કાતરી
• (Optional)
• 12 ઝૂડી લીલા ધાણા

Method - રીત

એક વાસણમાં તેલ મૂકી, તેમાં તજ, લવિંગ અને એલચીના દાણાનો વખાર કરી, લીલો મસાલો સાંતળવો પછી તેમાં વટાણા, બટાકાની કટકી, કેપ્સીકમની કતરી, મસાલો, ટોમેટો પ્યુરી, મીઠું અને ખાંડ નાંખી, બરાબર મિક્સ થાય એટલે પકોડી અને લાલ દ્રાક્ષ નાંખી ઉતારી લેવું.

એક બાઉલમાં ચટાકો કાઢી તેના ઉપર બુંદી પાથરવી પછી બટાકાની કાતરી અને ઉપર બુંદી પાથરવી પછી બટાકાની કાતરી અને ઉપર કોપરાનું ખમણ અને લીલાધાણા ભભરાવવા. છેલ્લે ૧ ટેબલસ્પૂન દહીંનો મસ્કો નાંખી સર્વ કરવું.