શાકભાજીનું બેકડ ઊંધિયું
  • 93 Views

શાકભાજીનું બેકડ ઊંધિયું

Ingredients - સામગ્રી

  • 1 કિલો પાપડી
  • 250 ગ્રામ નાના રીંગણાં (રવૈયા)
  • 250 ગ્રામ નાના બટાકા
  • 250 ગ્રામ શક્કરિયાં
  • 250 ગ્રામ પાકાં ટામેટા
  • 250 ગ્રામ રતાળુ કંદ
  • 2 કેળા
  • મીઠું, તેલ, સોડા, હિંગ, અજમો,
  • લાલ સૂકો મસાલો -
  • 100 ગ્રામ સિંગદાણા
  • 50 ગ્રામ તલ
  • 25 ગ્રામ ખસખસ
  • 1 ટેબલસ્પૂન ધાણા
  • 1 ટેબલસ્પૂન જીરું
  • 1 ટીસ્પૂન વરિયાળી
  • નંગ-5 કાશમીરી લાલ મરચાં
  • 5 કટકા તજ, 7 લવિંગ
  • 10 દાણા મરી
  • બધું સાધારણ શેકી, થોડું પાણી નાંખી, મિક્સરમાં ક્રશ કરવું. તેમાં 7 કળી વાટેલું લસણ અને મીઠું નાંખી, લાલ મસાલો બનાવવો.
  • લીલો મસાલો –
  • 100 ગ્રામ નાળિયેરનું ખમણ
  • 100 ગ્રામ કેપ્સીકમની પાતળી લાંબી ચીરી
  • 1 ઝૂડી લીલા ધાણા (સમારી, ધોઈ કોરા કરી)
  • 4 લીલાં મરચાંના બારીક કટકા
  • 1 ટેબલસ્પૂન અાદુંનું છીણ
  • 1 ટેબલસ્પૂન લીંબુનો રસ
  • મીઠું – પ્રમાણસર
  • બધુ મિક્સ કરી લીલો મસાલો બનાવવો.
  • મૂઠિયાં –
  • 250 ગ્રામ મેથીની ભાજી
  • 100 ગ્રામ લીલા વટાણા
  • 250 ગ્રામ ચણાનો લોટ
  • 100 ગ્રામ ઘઉંનો કરકરો લોટ
  • 4 લીલાં મરચાં, કટકો અાદું
  • મીઠું, તેલ – પ્રમાણસર
  • મેથીની ભાજીને ઝીણી સમારી, ધોઈ નિતારી લેવી. તેમાં લીલા વટાણાને અધકચરા વાટીને નાંખવા. પછી ચણાનો લોટ, ઘઉંનો લોટ, વાટેલા અાદું-મરચાં, મીઠું અને તેલનું મોણ નાંખી, કણક બાંધી મૂઠિયાં બનાવી વરળથી બાફી લેવા.

Method - રીત.

પાપડીની નસ કાઢી ફોલવી. પાકટના દાણા કાઢવા. એક તપેલીમાં થોડું પાણી, ચપટી સોડા, તેલ, મીઠું અને અજમો નાંખી તેમાં પાપડી નાંખી ગેસ ઉપર મૂકવું. તાપ ધીમો રાખવો. સાધારણ બફાય એટલે ઉતારી લેવી. વધારે બાફવી નહીં.

રીંગણને ધોઈ રવૈયા જેમ કાપવા. કેળા અને બટાકાને છોલી રવૈયા જેમ અાડ-ઉભા કાપી તેમાં તૈયાર કરેલો લાલ મસાલો ભરવો. શક્કરિયાં અને કંદને છોલી કટકા કરવા. ટામેટાના કટકા કરવા. બધું લાલ મસાલામાં રગદોળવું.

એક મોટા બાઉલને તેલ લગાડી તેમાં પાપડી પાથરવી. તેના ઉપર લીલા મસાલાનું લેયર લગાડવુ તેના ઉપર રવૈયા અને શાકના કટકા ગોઠવવા. ઉપર લીલો મસાલો છાંટવો. તેના ઉપર મૂઠિયા મૂકવાં. ફરી તેના ઉપર પાપડીનું લેયર કરી, લાલ અને લીલો મસાલો પાથરવો. 4 ટેબલસ્પૂન તેલ ગરમ કરી, થોડી હિંગ નાંખી ઉપર વઘાર કરવો. પ્રિહીટેડ ઓવનમાં 3500 ફે. ઉષ્ણતામાને 15-20 મીનીટ બેક કરવું. પછી 10 મિનિટ ધીમા તાપ ઉપર રાખવું. બરાબર બફાઈને ખીલી જાય એટલે કાઢી, ઉપર થોડી ચણાની ઝીણી સેવ ભભરાવવી. કોઠાની ચટણી સાથે ગરમ પીરસવું.