વેજિટેબલ મસ્કા ખમણ
  • 955 Views

વેજિટેબલ મસ્કા ખમણ

Ingredients - સામગ્રી

  • ખમણ માટે
  • 500 ગ્રામ ચણાનો કરકરો લોટ
  • 200 ગ્રામ દહીં
  • મીઠું, સોડા, તેલ
  • વેજિટેબલ્સ –
  • 100 ગ્રામ તુવેરના લીલવા
  • 100 ગ્રામ લીલા વટાણા
  • 100 ગ્રામ ફણસી
  • 2 ગાજર
  • 4 લીલાં મરચાં, 1 લીંબુ
  • 2 ટેબલસ્પૂન કોપરાનું ખમણ
  • 1 ટેબલસ્પૂન તલ
  • 1 ટીસ્પૂન ગરમ મસાલો
  • મીઠું, ખાંડ, તેલ, તજ, લવિંગ
  • સજાવટ માટે –
  • 500 ગ્રામ દહીંનો મસ્કો
  • 2 ટીસ્પૂન ખાંડ
  • મીઠું, જીરુંનો ભૂકો, લીલી ચટણી
  • વાટવાનો મસાલો – 50 ગ્રામ નાળિયેરનું ખમણ, 4 લીલાં મરચાં, કટકો અાદું, થોડું લીલું લસણ, મીઠું અને ગોળ નાંખી, ચટણી બનાવવી.

Method - રીત

ચણાના લોટને દહીંની છાશ બનાવી, તેનાથી ખીરું બાંધી, સારું ફીણી ઢાંકીને 12 કલાક અાથી રાખવું. પછી તેમાં મીઠું અને થોડા ગરમ તેલમાં સોડા નાંખી ખીરામાં નાંખી, હલાવી, ઢોકળાં જેમ વરાળથી થાળીઓ બાફી, ઠંડી પાડવી.

વટાણા, તુવેરના લીલવા, સમારેલી ફણસી અને ગાજરને છોલી, ધોઈ, વચ્ચેનો સફેદ ભાગ કાઢી, કટકી કરવી. બધું વરાળથી બાફી લેવું. એક વાસણમાં થોડું તેલ મૂકી, તજ-લવિંગ નાંખી શાક વઘારવું. તેમાં મીઠું, ખાંડ, લીલાં મરચાંના બારીક કટકા, તલ, ગરમ મસાલો નાંખી, ઉતારી તેમાં લીંબુનો રસ, કોપરાનું ખમણ અને લીલા ધાણાને સમારી, ધોઈ, કોરા કરીને નાંખવા.

દહીંને કપડામાં બાંધી રાખવું. બધું જ પાણી નીતરી જાય એટલે કપડામાંથી દહીંનો મસ્કો કાઢી, તેમાં મીઠું, ખાંડ અને જીરુંનો ભૂકો નાંખી, વલોવી મસ્કો તૈયાર કરવો.

ઠંડી પડેલી ઢોકળાંની થાળીને ચારે બાજુ ચપ્પુ ફેરવી ઊંધી પાડવી, જેથી અાખી થાળી ઢોકળાં નીકળશે. પછી તેના ઉપર ચટણી લગાડી, શાકનૂં પૂરણ પાથરવું. તેના ઉપર બીજી ઢોકળાંની થાળી મૂકવી. તેના ઉપર તૈયાર કરેલો દહીંનો મસ્કો છરીથી લગાડી દેવો. ઉપર લીલી ચટણીથી ફૂલ કરવું, જેથી દેખાવ સુંદર લાગે.