ચણાનો લોટ અને કણકી કોરમાનો લોટ ભેગો કરી ચાળી લેવો. તેમાં મીઠું, હળદર, મરચું, દહીં, ખાંડ, ચમટી સોડા અને તેલનું મોણ નાંખવું. બાફેલા વટાણા, બાફેલા તુવેરના લીલવા, લીલી ડુંગળી, કેપ્સીકમની કતરી, લીલા ધાણા, અાદું-મરચાંની પેસ્ટ, લસણની પેસ્ટ નાંખી લોટ બાંધી, તેના વીંટા વાળી, કૂકરમાં બાફવા. ઠંડા પડે એટલે કટકા કાપી, તેલમાં રાઈ, હિંગ, અને તલ નાંખી વઘાર મૂઠિયાં ઉપર ફરતો રેડી દેવો. ડિશમાં કાઢી ઉપર કોપરાનું ખમણ, લીલા ધાણા અને લીલી ચટણી નાંખી, સજાવટ કરી સર્વ કરવાં.
