ગાજર, ફણસીના કટકા અને વટાણાને પાણીમાં થોડો સોડા નાંખી બાફવા. બટાકાને બાફી, છોલી, બારીક કટકા કરવા. એક વાસણમાં તેલ મૂકી, હિંગ નાંખી શાક વઘારવું. તેમાં મીઠું, ખાંડ, તલ, નાળિયેરનું ખમણ, અાદું-મરચાં નાંખી, ઉતારી લીંબુનો રસ અને લીલા ધાણા નાંખી પૂરણ બનાવવું.
બટાકા, શક્કરિયાંને બાફી, માવો કરી, તેમાં મીઠું, અાદું-મરચાં, કોર્નફ્લોર અને બ્રેડની સ્લાઈસને પાણીમાં બોળી તરત કાઢી, દબાવી પાણી કાઢી, ભૂકો કરી નાંખવો. તેમાં લીંબુનો રસ નાંખી, મસળી, કણક તૈયાર કરવી. તેમાંથી લૂઓ લઈ હાથથી રોટલો થાપવો. બેકિંગ ડિશને તેલ લગાડી, થોડો કોર્નફ્લોર છાંટી, બટાકાનો રોટલો મૂકવો. ઉપર સોસ લગાડી, પૂરણ મૂકી ફરી સોસ લગાડી કેપ્સીકમની રીંગ, કોપરાનું ખમણ, થોડા લીલા દાણા અને ખમણેલું ચીઝ ભભરાવી ઓવનમાં 350 ફે. તાપે બેક કરવા. ચીઝ ઓગળે એટલે કાઢી, કટકા કરી ટોમેટો સોસ અથવા દહીંની ચટણી સાથે પીરસવા
