ஆலு டம்ப்ளிங்ஸ்
  • 312 Views

ஆலு டம்ப்ளிங்ஸ்

தேவையான பொருட்கள்:

  • உருளைக்கிழங்கு - 5
  • கெட்டியான பால் - 1 லிட்டர்
  • ஏலக்காய் - 5
  • ட்ரை ஃப்ரூட்ஸ் கலவையாக - ஒரு கப்
  • வாழைப்பழம் - 1
  • உணவுக்கு சேர்க்கும் நிறங்கள் - பச்சை 2 சொட்டு
  • மஞ்சள் - 2 சொட்டு
  • பிங்க் - 2 சொட்டு
  • சர்க்கரை பொடித்தது - 1/2 கப்
  • ரோஸ் எஸ்ஸென்ஸ் - 2 சொட்டு
  • தனியாக சர்க்கரை - 2 ஸ்பூன்

செய்முறை:

உருளைக்கிழங்கைக் கழுவி தோல் சீவி வேக வைக்கவும், இதை மிக மிருதுவான கூழாகப் பிசையவும். இதை மூன்று பிரிவுகளாக்கி வைக்கவும். பாலில் ஏலக்காய் போட்டு சிவக்கக் காய்ச்சவும். அதனுடன் சர்க்கரையைப் (2 ஸ்பூன்) போடவும். மூன்றாகப் பிரித்து வைத்த உருளைக்கிழங்குக் கூழில் பச்சை, மஞ்சள், பிங்க் என்று ஒவ்வொரு நிறம் சேர்க்கவும். அத்துடன் மூன்றிலும் சர்க்கரைப் பொடியை சமமாகப் பிரித்துப் போட்டு ஒவ்வொரு பிரிவிலும் ரோஸ் எஸ்ஸென்ஸ் சேர்த்து எலுமிச்சம்பழ அளவு உருண்டைகளாகக் கலவையை உருட்டவும். ட்ரை ஃப்ரூட்ஸ் கலவை வாழைப்பழம் இரண்டையும் மிக்ஸியில் போட்டு ஒரு முறை ஓடவிடவும். இக்கலவையை சிறு உருண்டைகளாகத் தயாரிக்கவும். உருளைக்கிழங்கு உருண்டையை கிண்ணம் போலச் செய்து இந்தப் பழ உருண்டையை உள்ளே வைத்து மூடவும். கொதித்துக் கொண்டிருக்கும் பாலில் இந்த உருண்டைகளைப் போட்டு அடுப்பில் மூடாமல் வேகவைக்கவும். உருண்டை மேலே மிதந்து வரும் போது இறக்கி, குளிரவைத்தோ சூடாகவோ சாப்பிடலாம்.