பூண்டு-வெங்காய புலாவ்
  • 116 Views

பூண்டு-வெங்காய புலாவ்

தேவையானவை:

  • பாஸ்மதி அரிசி - 1 கப்
  • வெங்காயம் - 1
  • பூண்டு - 4 பல்
  • கறிவேப்பிலை - சிறிது
  • உப்பு - தேவையான அளவு
  • மஷ்ரூம் (அ) பனீர் - தேவைக்கேற்ப


அரைத்துக் கொள்ள:

  • பூண்டு - 2 பல்
  • இஞ்சி - சிறிய துண்டு
  • மிளகாய் தூள் - காரத்துக்கு ஏற்ப 1/2 (அ) 1 டீஸ்பூன்


தாளிக்க:

  • பட்டை - 1
  • லவங்கம் - 1
  • ஏலக்காய் - 1
  • சிரகம் - 1/4 டீஸ்பூன்
  • எண்ணெய் - 2 டீஸ்பூன்

செய்முறை:

அரிசியை உதிராக வடித்துக் கொள்ளவும். வெங்காயம், பூண்டை மெல்லியதாக நீளவாக்கில் நறுக்கிக் கொள்ளவும். தோசைக்கல்லை காய வைத்து மிதமான தீயில் வெங்காயம், பூண்டை பரப்பியது போல் போட்டு 5 முதல் 10 நிமிடம் வைக்கவும். நான்ஸ்டிக் கடாயில் எண்ணெய் விட்டு, காய்ந்ததும் பட்டை, லவங்கம், ஏலக்காயைச் தாளித்து, அரைத்த விழுதைச் சேர்க்கவும். குறைந்த தீயில் பச்சை வாடை போக வதக்கவும். தோசை கல்லில் காய வைத்த வெங்காயம், பூண்டை சேர்த்து வதக்கி பனீர் சேர்த்து 5 நிமிடம் வதக்கவும். கடைசியில் சாதம், உப்பு, கறிவேப்பிலை சேர்த்து பரிமாறவும்.

முளைகட்டிய பயிறை ஆவியில் வைத்து எடுத்து தயிரில் போட்டு சைட் டிஷ்ஷாக சாப்பிடலாம். காய்கறிகளை வேக வைத்தும் இதற்கு தொட்டுக் கொள்ளலாம்.

எவ்வளவு பனீர் சேர்க்கிறீர்களோ, அந்த அளவுக்கு தினசரி எடுத்துக் கொள்ளும் பாலின் அளவை குறைத்துக் கொள்ளுங்கள். பனீருக்கு பதில் கொழுப்பு இல்லாத சோயா பனீரைப் பயன்படுத்தலாம்.