ఉసిరి పచ్చడి
  • 183 Views

ఉసిరి పచ్చడి

కావలసినవి:

  • ఉసిరికాయలు - పావు కేజీ
  • పసుపు - టీ స్పూను
  • ఉప్పు - తగినంత
  • పచ్చిమిర్చి - 5
  • ఎండుమిర్చి - 5
  • కొత్తిమీర - ఒక కట్ట
  • ఇంగువ - పావు టీ స్పూను
  • నిమ్మకాయ - సగం చెక్క
  • ఆవాలు - టీ స్పూను
  • మెంతులు - టీ స్పూను
  • జీలకర్ర - టీ స్పూను,
  • నూనె - తగినంత

విధానం:

ముందుగా ఉసిరికాయలను చిన్నచిన్న ముక్కలు చేసుకోవాలి. తరిగేటప్పుడు గింజలు తీసేయాలి. అందులో పసుపు వేసి బాగా కలిపి రెండు రోజులు గట్టి మూత ఉన్న సీసాలో ఉంచేయాలి. మూడవ రోజు వాటిని తీసి మెత్తగా చేసి అందులో ఉప్పు వేసి మిక్సీలో గ్రైండ్ చేయాలి. బాణలిలో రెండు టీ స్పూన్ల నూనె కాగిన తరవాత ఎండుమిర్చి, పచ్చిమిర్చి, ఆవాలు, జీలకర్ర, మెంతులు వేసి వేయించి, చల్లారాక గ్రైండ్ చేయాలి. ఉసిరిముద్దలో ఈ పొడి, నిమ్మరసం, ఇంగువ వేసి బాగా కలిపి కొత్తిమీరతో గార్నిష్ చేయాలి.