తోటకూర వడలు
  • 405 Views

తోటకూర వడలు

కావలసినవి:

  • మినపప్పు : అరకిలో
  • తోటకూర : రెండు కట్టలు
  • కొత్తిమీర : ఒక కట్ట
  • ఉల్లిపాయలు : రెండు
  • జీలకర్ర : ఒక స్పూన్
  • పచ్చిమిర్చి : రెండు
  • ఉప్పు : తగినంత
  • నూనె : వేయించడానికి సరిపడ

విధానం:

మినపప్పును ముందు రోజు రాత్రి నానబెట్టుకోవాలి. తోటకూరను శుభ్రంగా కడిగి సన్నగా తరిగి పెట్టుకోవాలి. అలానే కొత్తిమీర, పచ్చి మిర్చి, ఉల్లిపాయలను సన్న ముక్కలుగా కట్ చేసి పెట్టుకోవాలి. మినపప్పు నీళ్ళు లేకుండా గట్టిగా, మెత్తగా రుబ్బుకోవాలి. ఈ మిశ్రమానికి తరిగిపెట్టుకున్న వాటిని జత చేసి చక్కగా కలుపుకోవాలి. దీనిలోనే ఉప్పు, జీలకర్ర వేయాలి. ఈ మిశ్రమాన్ని పాలకరవ్ పై వడల్లా వత్తుకోవాలి. బాణలీలో నూనె పోసి బాగా కాగనిచ్చి కవర్ పై వత్తుకున్న వడలను వేయించుకోవాలి. అంతే మనకు రుచికరమైన తోటకూర వడలు రెడీ. వీటిని అల్లం చెట్నీతో గానీ, కొబ్బరి చెట్నీతో గానీ సర్వ్ చేసుకోవచ్చు.