కూరగాయల్ని తరిగి పెట్టుకోవాలి. జీడిపప్పు వేడి నీళ్లలో కొద్దిసేపు నానబెట్టి పేస్ట్‌లా రుబ్బుకోవాలి. బాండీలో నూనె కాగాక జీలకర్ర, ఉల్లి ముక్కలు, పసుపు, అల్లం వెల్లుల్లి పేస్ట్‌ వేయించాలి. అందులోనే టమాటా ముక్కలు వేయాలి. రెండు నిమిషాల తర్వాత ఉప్పు, కారం, ధనియాల పొడి, గరం మసాలా కలపాలి. క్యాప్సికమ్‌, బేబీకార్న్‌ ముక్కలు వేసి అరకప్పు నీళ్లు పొయ్యాలి. పది నిమిషాల తర్వాత జీడిపప్పు పేస్ట్‌, మెంతి ఆకు కలిపి మరో ఐదు నిమిషాలు ఉడికించాలి. దించే ముందు పాలమీగడ, కొత్తిమీర వేసుకుంటే చాలు. బేబీకార్న్‌ క్యాప్సికమ్‌ కూర రెడీ. ఇది పరోటాల్లోకి చాలా బాగుంటుంది.
