చిక్కుడు పరోఠా
  • 226 Views

చిక్కుడు పరోఠా

కావలసినవి:

  • గోధుమపిండి - కప్పు,
  • పచ్చిమిర్చి పేస్ట్ - రెండు టీ స్పూన్లు
  • ఉప్పు - తగినంత,
  • నువ్వులు - టీ స్పూను,
  • కారం- టీ స్పూను
  • జీలకర్ర - టీ స్పూను,
  • నెయ్యి - టీ స్పూను,
  • నూనె - తగినంత
  • కొత్తిమీర - చిన్న కట్ట (సన్నగా తరగాలి)
  • చిక్కుడుకాయ ముక్కలు - కప్పు (ఉడికించి మెత్తగా గ్రైండ్ చేసుకోవాలి),

విధానం:

ఒక వెడల్పాటి పాత్రలో గోధుమపిండి , కారం, ఉప్పు, నువ్వులు, జీలకర్ర, నెయ్యి, కొత్తిమీర, పచ్చిమిర్చి పేస్ట్, చిక్కుడుకాయ పేస్ట్ వేసి చపాతీపిండిలా కలిపి (అవసరమైతే నీళ్లు వేసుకోవాలి), చివరగా టీ స్పూను నూనె వేసి మరోమారు బాగా కలిపి మూత పెట్టి అరగంట సేపు నాననివ్వాలి. తరవాత పిండిని పెద్దపెద్ద ఉండలుగా చేసుకుని, ఒక్కొక్కదానిని పరోఠా మాదిరిగా ఒత్తుకోవాలి. స్టౌ మీద పెనం పెట్టి బాగా వేడయ్యాక పరోఠాలను నూనె లేదా నెయ్యి వేసి రెండువైపులా కాల్చాలి. ఇవి పెరుగు లేదా వెన్నతో తింటే బావుంటాయి.