బటర్ సమోసా
  • 440 Views

బటర్ సమోసా

కావలసినవి:

  • మైదా- కప్పు
  • బటర్ - 2 టీ స్పూన్లు
  • బంగాళదుంపలు - 2
  • పచ్చి బఠాణీలు - అర కప్పు
  • పచ్చిమిర్చి - 2 (సన్నగా తరగాలి)
  • కొత్తిమీర తరుగు - అర కప్పు
  • కారం - అర టీ స్పూన్
  • బేకింగ్ సోడా - కొద్దిగా
  • ఉప్పు - రుచికి తగినంత
  • ఉల్లిపాయ తరుగు - టేబుల్ స్పూన్
  • నూనె - వేయించడానికి తగినంత

విధానం:

బంగాళదుంపలను ఉడికించి, పొట్టు తీసి, ముక్కలుగా కట్ చేసుకోవాలి. పిండిలో ఉప్పు, బేకింగ్ సోడా, బటర్ వేసి, తగినన్ని నీళ్లు పోసి ముద్దలా కలిపి పక్కనుంచాలి. పాన్‌లో రెండు టేబుల్ స్పూన్ల నూనె వేసి వేడి చేయాలి. ఇందులో ఉల్లిపాయలు, పచ్చిమిర్చి, బఠాణీలు వేసి వేయించాలి. తర్వాత అల్లం పేస్ట్, ఉప్పు, కారం, బంగాళదుంప ముక్కలు వేసి వేయించి దించాలి. పిండిని చిన్న చిన్న ముద్దలు చేసుకొని పీట మీద కొద్దిగా మందంగా ఒత్తుకోవాలి. ట్రయాంగిల్ వచ్చేలా కట్ చేసుకోవాలి. నీళ్లను అద్దుకుంటూ కోన్ షేప్ చేసి, అందులో ఉడికించిన బంగాళదుంప మిశ్రమాన్ని పెట్టి అంచులు మూసేయాలి. వీటిని కడాయిలో నూనె కాగిన తర్వాత వేసి రెండు వైపులా బంగారు రంగులోకి వచ్చేంతవరకు వేయించి, తీయాలి. వేడి వేడిగా టొమాటో లేదా సోయా సాస్‌తో సర్వ్ చేయాలి.