చుర్మా
  • 280 Views

చుర్మా

కావలసినవి:

  • గోధుమ పిండి: 200 గ్రా.
  • నెయ్యి: 400 గ్రా.
  • కోవా: 100 గ్రా.
  • పంచదార (పొడి చేసి): 200 గ్రా.
  • బాదంపప్పు: 50 గ్రా.
  • ఇలాచి: 4 (చిన్నవి)
  • దాల్చిని చెక్క: చిన్న ముక్క

విధానం:

150 గ్రా. నెయ్యి తీసుకుని దానిని గోధుమ పిండిలో కలపాలి. అందులో కొద్ది నీరు పోసి గట్టి ముద్దగా చేసుకోవాలి. మిగిలిన నెయ్యిని బాణలిలో వేడి చేయ్యాలి. ఈ ముద్దను 15 లేదా 20 భాగాలుగా విభజించుకుని ముద్దలుగా చేసుకోవాలి. తర్వాత వీటిని నీటిలో వేసి బంగారు రంగు వచ్చే వరకు సన్నని మంట మీద వేయించాలి. అవి చల్లబడ్డ తర్వాత గ్రైండర్‌లో పొడి చెయ్యాలి. అందులో కోవా కలుపుకోవాలి. ఒక టేబుల్‌ స్పూన్‌ నెయ్యి బాణలిలో వేసి వేడి చేయాలి. దానిలో ఇలాచీ, దాల్చిన చెక్క వేసి వేయించాలి. తర్వాత కోవా కలిపిన గోధుమ పొడిని వేసి ఒక నిమిషం పాటు వేగనివ్వాలి. అది చల్లబడిన తర్వాత పంచదార పొడిని, నానబెట్టి ముక్కలుగా చేసుకున్న బాదం పప్పులను కలపాలి. గాలిరాని డబ్బాలో పెడితే దాదాపు 8-10 రోజుల వరకూ ఇది నిల్వ ఉంటుంది.