కొత్తిమీర రొయ్యలకూర
  • 434 Views

కొత్తిమీర రొయ్యలకూర

కావలసినవి:

  • రొయ్యలు... అర కేజీ
  • కొత్తిమీర.. పెద్ద కట్ట
  • గసగసాలు, లవంగాలు, జీలకర్ర.. సరిపడా
  • అల్లం, వెల్లుల్లి, కారం, ఉప్పు కలిపి నూరిన ముద్ద... అర కప్పు
  • టొమోటోలు... రెండు
  • ఉల్లిపాయ... పెద్దది ఒకటి

విధానం:

ముందుగా రొయ్యలను వేయించి పక్కన పెట్టాలి. తర్వాత పాన్‌లో నూనె వేడిచేసి కొత్తిమీరను కూడా వేయించి విడిగా పెట్టుకోవాలి. గసగసాలు, లవంగాలు, జీలకర్రలతోపాటు అల్లం వెల్లుల్లి, కారం, ఉప్పు ముద్ద, వేయించిన కొత్తిమీరలను కలిపి మెత్తగా రుబ్బుకోవాలి.

ఇప్పుడు పాన్‌లో తగినంత నూనె పోసి ఉల్లిపాయ, టొమోటో ముక్కలను వేయించాలి. కాసేపటి తరువాత పైన నూరుకున్న ముద్దను కలిపి ఐదు నిమిషాలపాటు వేయించాలి. తరువాత వేయించి ఉంచుకున్న రొయ్యలను కలిపి నూనె పైకి తేలేంతదాకా ఉడికించి పైన కొత్తిమీర చల్లి దించేయాలి. అంతే వేడి వేడి కొత్తిమీర రొయ్యలకూర సిద్ధం...!