బేబీకార్న్‌ మంచూరియా
  • 379 Views

బేబీకార్న్‌ మంచూరియా

కావలసినవి:

  • బేబీకార్న్‌ - 5
  • మొక్కజొన్న పిండి - అరకప్పు
  • బియ్యం పిండి - పావుకప్పు
  • కారం - కొద్దిగా,
  • ఉప్పు - తగినంత
  • అల్లం వెల్లుల్లి పేస్ట్‌ - 1 స్పూన్‌
  • నూనె - వేయించడానికి సరిపడా,
  • ఉల్లికాడలు - 1 కట్ట
  • ఉల్లిపాయ - 1,
  • వెల్లుల్లి - 4 రెబ్బలు,
  • సోయా సాస్‌- 1 స్పూన్‌
  • చిల్లీసాస్‌ - 1 స్పూన్‌,
  • టమాటా సాస్‌- 1 స్పూన్‌

విధానం:

బేబీకార్న్‌ను చిన్న ముక్కలు చేసి... ఉప్పు నీళ్లలో ఉడికించాలి. ఒక పాత్రలో మొక్కజొన్న పిండి, బియ్యం పిండి, కారం, అల్లం వెల్లుల్లి పేస్ట్‌, తగినంత ఉప్పు వేసి బజ్జీల పిండిలా కలుపుకోవాలి. ఇందులో ఉడికించిన బేబీకార్న్‌ను ముంచి బజ్జీల్లా వేయించాలి. బాండీలో కొద్దిగ నూనె వేసి అందులో వెల్లుల్లి, ఉల్లిముక్కలు, ఉల్లికాడ ముక్కలు ఎర్రగా వేయించాలి. ఇందులో బేబీకార్న్‌ బజ్జీలని వేయాలి. వాటిపైన సోయా సాస్‌, చిల్లీసాస్‌, టమాటా సాస్‌, కొద్దిగా ఉప్పు చల్లితే చాలు. వేడివేడి బేబీకార్న్‌ మంచూరియా రెడీ.