మునగాకు పప్పు
  • 141 Views

మునగాకు పప్పు

కావలసినవి:

  • మునగాకు - 2 కప్పులు,
  • పెసరపప్పు-1 కప్పు,
  • పచ్చి కొబ్బరి తురుము - 1 కప్పు,
  • పసుపు - అర టీ స్పూను,
  • కారం - అర టీ స్పూను,
  • వెల్లుల్లి - 4 రేకలు,
  • ఆవాలు - అర టీ స్పూను,
  • జీరా - 1టీ స్పూను,
  • ఎండుమిర్చి - 4,
  • కరివేపాకు - 4 రెబ్బలు,
  • నూనె - 1 టేబుల్ స్పూను,
  • ఉప్పు - రుచికి తగినంత.

విధానం:

జీరాను వేగించి, పొడి చేసి, కొబ్బరి తురుము, వెల్లుల్లి జతచేసి పేస్టులా గ్రైండు చేసిపెట్టుకోవాలి. పెసరపప్పుని మెత్తగా ఉడికించాలి. కడాయిలో నూనె వేసి ఎండుమిర్చి, ఆవాలు, కరివేపాకు, మునగాకు ఒకదాని తర్వాత ఒకటి వేసి వేగాక ఉడికిన పప్పుని వేసి తిప్పాలి. అవసరమనిపిస్తే కొద్ది నీరు కలపొచ్చు. ఉప్పు, కారం కూడా వేసి 5 నిమిషాలు ఉడికించి, కొబ్బరిమిశ్రమాన్ని వేసి రెండు నిమిషాల తర్వాత దించేయాలి. అన్నంలోకి ఈ పప్పు చాలా బాగుంటుంది.