ప్రసాదం బూరెలు
  • 497 Views

ప్రసాదం బూరెలు

కావలసినవి:

  • బొంబాయి రవ్వ - అర కేజీ
  • పంచదార - ముప్పావు కేజీ
  • నెయ్యి - పావు కేజీ,
  • యాలకులు - 5
  • జీడిపప్పు - 10,
  • పచ్చి కొబ్బరి చిప్ప - 1
  • బియ్యం - 300 గ్రాములు
  • మినప్పప్పు - 150 గ్రాములు
  • ఉప్పు - తగినంత,
  • నూనె - వేయించడానికి సరిపడా

విధానం:

బియ్యం, మినప్పప్పు నానబెట్టి దోశల పిండిలా మెత్తగా రుబ్బుకోవాలి. బొంబాయి రవ్వ, జీడిపప్పు విడివిడిగా నేతిలో దోరగా వేయించాలి. లీటరు నీళ్లను బాగా మరగబెట్టాలి. అందులో యాలకుల పొడి వేయించిన రవ్వ, జీడిపప్పు, పంచదార, కొబ్బరి తురుము వేసి పావుగంట ఉడకనివ్వాలి. ఈ మిశ్రమాన్ని చిన్న చిన్న ఉండలు చేసుకోవాలి. వీటిని దోశల పిండిలో ముంచి కాగిన నూనెలో దోరగా వేయించాలి. ప్రసాదం బూరెలు చల్లారిన తర్వాత తింటే చాలా రుచిగా ఉంటాయి