మిరియాల రసం
  • 137 Views

మిరియాల రసం

కావలసినవి:

  • టమాటాలు - 4
  • చింతపండు - చిన్న నిమ్మకాయంత
  • నీళ్లు - 4 కప్పులు, ఉప్పు - తగినంత
  • వెల్లుల్లి - 5 రెబ్బలు
  • మిరియాలు - అర టీ స్పూను
  • పసుపు - చిటికెడు
  • నూనె - 2 టీ స్పూన్లు
  • జీలకర్ర - 2 టీ స్పూన్లు
  • కరివేపాకు - 2 రెమ్మలు
  • ఆవాలు - చిటికెడు
  • మెంతులు - అర టీ స్పూను
  • ఎండుమిర్చి - 2
  • కొత్తిమీర - 1 కట్ట

విధానం:

చింతపండు పది నిమిషాలు నానబెట్టి రసం తీయాలి. ఆ రసంలో టమాటాలు మెదిపి వడకట్టాలి. వెల్లుల్లి, మిరియాలు, జీలకర్ర కలిపి మెత్తగా నూరుకోవాలి. బాండీలో నూనె వేసి కాగాక ఎండుమిర్చి, ఆవాలు, జీలకర్ర, మెంతులు, కరివేపాకు వేసి తాలింపు పెట్టుకోవాలి. అందులో చింతపండు, టమాటా రసం పోసి ఒక పొంగు రానివ్వాలి. తర్వాత వెల్లుల్లి, జీలకర్ర, మిరియాల ముద్ద, పసుపు, ఉప్పు వేసి మళ్లీ ఒక పొంగురానివ్వాలి. ఈ రసం జీర్ణశక్తిని మెరుగుపరుస్తుంది