ముల్లంగి రసం
  • 115 Views

ముల్లంగి రసం

కావలసినవి:

  • ముల్లంగి ముక్కలు - 1 కప్పు,
  •  పెసరపప్పు - పావు కప్పు,
  • పచ్చిమిర్చి - 3,
  • అల్లం - అరంగుళం ముక్క,
  • వెల్లుల్లి - 4 రేకలు,
  • పసుపు - చిటికెడు,
  • ఉప్పు - రుచికి తగినంత,
  • ఆవాలు - అర టీ స్పూను,
  • జీలకర్ర - అర టీ స్పూను,
  • మినప్పప్పు - అర టీ స్పూను,
  • ఇంగువ - చిటికెడు,
  • కరివేపాకు - 4 రెబ్బలు,
  • నూనె - అర టేబుల్ స్పూను.

విధానం:

పెసరపప్పుని, ముల్లంగిముక్కల్ని విడివిడిగా ఉడికించాలి. పప్పుని మెత్తగా రుబ్బుకోవాలి. ముల్లంగి ముక్కల్ని మెదపకూడదు. పచ్చిమిర్చి, అల్లం, వెల్లుల్లి దంచి పెట్టుకోవాలి. ఒక పాత్రలో ముల్లంగి ముక్కలు, పెసరపప్పు, అల్లం, వెల్లుల్లి, పచ్చిమిర్చి, పసుపు, ఉప్పు వేసి 2 కప్పుల నీరుపోసి మరిగించాలి. కడాయిలో నూనె వేసి ఆవాలు, జీలకర్ర, మినప్పప్పు, ఇంగువ, కరివేపాకుతో తాలింపు పెట్టి రసాన్ని కలపాలి. వేడి వేడి అన్నంలో ఈ రసం ఎంతో రుచిగా ఉంటుంది